Asociación Deportiva FAMU

O pavillón municipal de Navia acollerá o vindeiro sábado 8 de outubro, a Super Copa de España sub 16 (XVI Gran Premio Internacional Cidade de Vigo).

Ademais dos mellores judocas nacionais, contarase coa participación de deportistas de Alemania, Italia, Portugal e Suecia.

Formarán parte da representación galega varios judocas da AD Famu:

Jorge Rial Suarez, Marcos Estevez Navarro, Brais Barreiro Prego, Daniel Castelaín Gutierrez, Carlos Freire Vega, Dimas Leirós Díaz, Ana Isabel Genovese Martínez e Clara Miguez Rodríguez.

Miguel Romero quedou ás portas de subir ao podio na World Cup que tivo lugar esta fin de semana na localidade inglesa de Liverpool, onde acadou o 5º lugar.

Tras vencer ao judoca austríaco Peter Scharinger, ao alemán Stefan Friedrich e ao judoca italiano Andrea Regis, perdeu o pase á final fronte o judoca estadounidense Nicholas Delpopolo, quen á postre sería o vencedor do torneo.

Finalmente, non poido impoñerse na loita polo bronce ao tamén español Javier Ramírez.

O Pavillón ourensán de Oira acolleu a 1ª xornada de liga disputada este pasado sábado día 24, onde xa se poido apreciar un alto nivel nos equipos participantes desta edición.

O equipo feminino é xunto co Judo Club Arteixo, os únicos que contan os seus encontros por victorias tras impoñerse aos seus dous rivais.

O Famu “A” masculino colleitou cinco victorias e un empate, o que lle sirve para estar en postos de play-off ao remate desta primeira xornada, cunha clasificación moi irregular ó haber equipos que disputaron sete encontros e outros pola contra, tan só catro, a causa de que varios equipos non se presentaron finalmente.

O Famu “B” con moita xente nova entre os seus integrantes, acadou dúas victorias e un empate en seis complicados encontros desta disputada liga que polo de agora lidera o equipo vallisoletano Lourdes Tuvasa.

Este sábado 24 de Setembro de 2011, dará comezo unha nova edición da Liga Internacional de Clubs organizada pola Federación Galega de Judo.

Contará coa participación de 23 equipos masculinos e 10 femininos de toda a xeografía galega, Portugal, Asturias e Castela e León. Entre eles 3 equipos maculinos e 1 feminino que representarán á A.D. Famu.

Trátase dunha competición Senior que terá lugar en Ourense, tal e como ven sendo habitual nos últimos anos, disputándose encontros entre equipos formados por 4 judocas que se enfrontarán en combates a 3 min. de duración.